::
پەیامی فەرانسە و هاوپەیمانەکان بۆ PAK و کوردی رۆژهەڵات چییە؟
28/11/2016
شەماڵ پیران
pazadik:

دەوڵەتێکی بەتوانا و زەبەلاح و بە ئەزموونی وەک فەرانسە و پێش ئەوانیش هێزەکانی ئەمریکا هاکەزایی و بێبەرنامە ئەسپی سیاسەت تاو نادەن





دەوڵەتێکی بەتوانا و زەبەلاح و بە ئەزموونی وەک فەرانسە و پێش ئەوانیش هێزەکانی ئەمریکا هاکەزایی و بێبەرنامە ئەسپی سیاسەت تاو نادەن، ئەو دەوڵەتانەی تان و پۆی نەخشەی جۆغرافیای سیاسیی جیهان و بەتایبەت وڵاتانی سێهەمیان لە کۆنەوە چنیوە و پاشان هەر خۆشیان هەڵیانوەشاندۆتەوە، کوێرکوێرانە هەنگاو نانێن، پێویستە ئەو راستییە لە زانست و پێوەرەکانی سیاسەتدا لەبەرچاو بێ کە هەر جووڵەیەکی سیاسیی ئەو دەوڵەتانە پەیامێکی لە هەناوی خۆیدا حەشارداوە.
بەشداریی هێزەکانی پارتی ئازادیی کوردستان لە شەڕی دژی داعش کە ئەمریکا و هاوپەیمانەکان سەپەرستی و رێبەرایەتی دەکەن، بەر لەوەی رێگەدان بێ بۆ بەشدارییەکی فیزیکی و مەیدانیی هێزێکی شەرکەر و ئامادەی نیزامیی، رێگە دانە بە حزوورێکی سیاسیی کە ئامانجەکەی بەشداریی پێکردنی کوردی رۆژهەڵاتە لە پڕۆژەی رۆژهەڵاتی ناڤینی نوێدا، ئەو پڕۆژەیەی یەک لە ئامانجەکانی جووڵاندن و بەهێزکردنی پتانسێلی کوردە لە ناوچەکەدا.
پێشکەشکردنی بڕوانامەی نیزامیی لە لایەن وەزارەتی بەرگریی فەڕانسە و پێشتریش پێزانێنی هێزەکانی هاوپەیمان و ئەمریکا بە فەرماندەی گشتی هێزەکانی پارتی ئازادیی کوردستان کاک حسەین یەزدانپەنا، ئەم پەیام و ئامانجانەی دەکرێ لە پشت بێ.
۱- بەر لە هەموو شتێک حزووری لێبڕاو و قارەمانانەی هێزەکانی پارتی ئازادیی کوردستان لە جەنگی دژی تیرۆریستان و راوەدوونان و تێکشکاندنی داعش بە دەیان جار، هەلوومەرجێکی وەهای خوڵقاند کە کوردی رۆژهەڵاتیش وێڕای باشوور و پارچەکانی دیکەی کوردستان رێگەی بەشداریکردنی لە پڕۆژەکانی ئەو وڵاتانەدا کە لە قازانج و بەرژەوەندیی کوردن پێبدرێ.
۲- پەیامێکی دیکەی پێشوازیی و پێزانینی هێزەکانی هاوپەیمانان لە فەرماندەی گشتی هێزەکانی PAK، جگە لەوەی هۆکاری ئازایەتی و بەشدارییەکی بەردەوام و قارەمانانەی هێزەکانی پارتی ئازادیی کوردستانی لە پشتە، هاوکات نیازی ئەو وڵاتانەش بەرانبەر کوردی لە رۆژهەڵاتی کوردستان دەرخست، واتە بەروونی دیارە کە ئەو هێزانە هیچ کێشەیەکیان لەگەڵ بزووتنەوەی کورد لە رۆژهەڵاتی کوردستان نییە.
۳- مەنتقی نییە کە رۆژاواییەکان بەرژەوەندییەکانی وڵاتێکیان بەلاوە گرینگ بێ بەڵام نەیپارێزن، کۆماری ئیسلامی ئێران بۆ دوورخستنەوەی هێزەکانی پارتی ئازادیی کوردستان لەو شەڕە و بێبەشکردنی کوردی رۆژهەڵات لە شاجەنگی کوردان درگا نەما نەیکوتێ، مانەوەی هێزەکانی رۆژهەڵات و پێگەیان بە روونی دەریخست کە نە هاوپەیمانان و نە دوستەکانیان لە ناوچەکەدا هیچ دەربەستییەکیان بەرانبەر دەوڵەتی ئێران نییە و نەماوە.
٤- پەیامی دیکەی هەنگاوەکەی فەرانسە ئەوەیە کە پێگەی نێودەوڵەتی کورد گەیشتووەتە ئاست و پلەیەک کە چیدیکە لەسەر کورد کەس نە گوێ بۆ گورگە بۆرەکان و نە بۆ نەوەکانی خالید بنی وەلید و نە بۆ دەوڵەتە ۲۵٠٠ ساڵەکەی ئێران دەگرێ.
هییمەت و ئیرادەی پۆڵایینی پارتی ئازادیی کوردستان و هێزەکانی لە ماوەی دوو ساڵ و نیوی رابردوودا واقعە تاڵەکانی لەسەر کوردی رۆژهەڵات گوڕی و هەلوومەرجێکی هێنایە گوڕێ کە لە سیاسەتیی نێودەوڵەتیدا روانگەی نوێ لە سەر دوخ و پرسی کورد لە رۆژهەڵاتی کوردستان بێتە گوڕێ.


كۆمێنتی خوێنه‌ران
كۆمێنته‌كان ده‌ربرینی بیرورای خوێنه‌رانه ‌و سایته‌که‌مان به‌ر پرس نیه‌ له‌و كۆمێنتانه‌

ناو:
 
ئیمه‌یل:
 
کۆمێنت:
 
دیمانه‌
‌ حسەین یەزدانپەنا: هەڵکردنی ئاڵای کوردستان لە فەرمانگەکانی کەرکووک تەواوکەری هەنگاوەکانی پێشمەرگەیە
‌ یەزدانپەنا: نابێ هیچ حزبێك سەروەریی پارچەیەكی تری كوردستان پێشێل بكات
بابه‌ت
زۆرینەی بەرپرسانی باڵای کۆماری ئیسلامی ئێران لە کام نەتەوە و پارێزگا پێک هاتون ؟
ناسر قازی
تەوشناسی ناسیۆنالیزمی کوردستانی
عەلی عەونی
داسەپاندنەوەی دووبارەی سایس- پیکۆ لەدژی کوردان
حەسەن ماوەرانی
لە کەوتنی حەلەب ، دەستکەوتەکانی هەریەک لە روسیا و ئێران و تورکیا چی بوون ؟
نیاز حاجی
پێناسەیەک لە مێژووی ئاڵای کوردستان
بەهمەن کاک عەبدوڵلا
کۆمه‌ڵایه‌تی
  • ژنان
  • منداڵان
  • قوتابیان و لاوان
  • ژینگه‌
ئاخاوتن
کوردستان24: دەقی وتەکانی حسەین یەزدانپەنا فەرماندەی گشتی هێزەکانی PAK بەبۆنەی 71 کۆماری کوردستان ‌
زۆرترین خوێنراو
  • 24 کاتژمێر
  • هه‌فته‌یه‌ک
  • مانگێک
سه‌رەتا ئاخاوتن بابەت دیدار بۆ کوردستان مافی مرۆڤ دیمانه‌ کۆنگرەی یه‌ک په‌یوەندی دەربارە ئەرشیف
مافی کۆپی کردن پارێزراوه‌ بۆ ماڵپه‌ری پارتی ئازادیی کوردستان 2012