::
توندوتیژی و ژن
28/11/2016
pazadik:

حەمەی شاسواری








توندوتیژی ئاکارێکی کردەییە کە بە زور و گوشار بەرانبەری بە وێ ویستی خۆی مەجبور بە کارێ دەکرێ ، ئەم کردەوەییە لە دێر زەمەنەوە بوونی هه‌بوە و کۆی زەوی بە خۆ وە گرتوە و بە واتای ماڤی مرۆڤی خستوەتە ژێر پێ ، شەن و کەو کردنی توندوتیژی خۆی لە زور برگەدا دەبینێتەوە ، هه‌ر لە توندوتیژی نێوان دوو مرۆڤ تا دەگاتە کۆمەل کوژی و ژینوساید ، بۆ وەی روانین و تێگەیشتنمان لەم کردەیە توشی هه‌لە نەبین و لە جێ و شوێنی خۆ ئاوری وێ درێتەوە و بە شێوەیەکی زانستی رێژەی ئەم کردە قیزێونە لە کۆمەلگا دابەزێنین و بنەبڕ بکرێ پێویستە شارەزایان و خەلکانی پسپوری ئەو بوارە شارەزایی بنەرەتیان لە سەرجەم برگەکانی هه‌بێ و بە روانگەیەکی فەلسەیەوە رەچاوی بکەن .
ئەم بابتە هێند بەربلاو و لق و پوی لە کۆمەلگادا لێ دەبێتەوە کە خۆ لە سولحی جیهانی دێنێتە بەر باسان و لە سالی ٢٠١٠ لە هه‌مبەر توندوتیژی ١٤٩ وڵاتی جیهان واژویان لە سەر کردوە . هه‌ر کردەوەیەک کە بە ئامانجی ئازاردانی یەک یا کۆمەلێک بێتە ئارا دەچێتە خانەی توندوتیژیەوە ، گەرچی بە ئاگابوون و دەسقەست یا نائاگای و نەفامی روو بدات ، '' ژان ولاوکا '' دەرون ناس و کۆمەل ناس دەلێت : کردەوەی توندوتیژی کردوەی هجوم بردنی تاکە یا دەستەیە بۆ سەر بەرانبەرەکەی و پاشیل کردنی ماڤە ، ئەم حالەتە لە مێژووی مرۆڤایەتی بنچینەیەکی زور کۆنی هه‌یە و وەک یەک لە خسلەتەکانی مرۆڤ تا بە ئەمرو بە شێوازی جور بە جور هاتوەتە ئارا ، لە ئاستی دەرونیەوە لێکولینەوە لە توندوتیژی ناو کۆمەلگا شور دەبێتەوە بۆ ئاستی زانین ، بژێوی و چونی ژیان و یاسا و پێرەو کردنی یاسا ، هەر چەند توندوتیژی لە سروشتی مرٶڤەوە هه‌لدەقولێ بەلام وا نییە کە نەکرێ لاواز و لە ناو نەبرێ ، '' ولیام ئال ئاوری '' لە کتێبێ بە ناوی ــ ئێمە دەبێ بەشەر بێن ـــ هه‌ر لە مەیدانەکانی شەروە تا مەکتەب و قوتابخانەکان شەن و کەوی دەکا . لەم بوارە بە دەیان توێژینەوەی زانستی و ئاکادیمی هاتوەتە ئارا و هه‌ولی وە دراوە توندوتیژی بە هه‌مو برگەکانیەوە لە کۆمەلگا برسێتەوە ، لە سالی ١٩٧٠ بە دواوە رەنگدانەوەی توندوتیژی لە بواری رەگەزی شەن و کەو کرا و ئاشکرا بو کە لە سەروی ٧٥ لە سەدی بەندکراوان لە رەگەزی پیاو پێک دێت و سەرنجی کۆمەلگا بۆ وی بابەت راکێشرا و کۆمەلی فیمینستی هاتە ئاراوە ، لە ٢٠٠٤ بە پێی ئامارەکان لە جیهان ٣٥ لە سەدی ژنان توندوتیژی بەنەمالەیی ، لاقەکردن و دەسترێژیان کراوەتە سەر . لە بەرانبەر دا '' هانا ئارنت '' ی ئالمانی توندوتیژی لە کۆمەلگای مرۆڤایەتی لە ئاستی تاک و رەگەز و حکومەت و یاسایان و سێدارە و هتد . تاوتوی دەکا و لە سەدەی بیستەم قوربانی و تیاچونی مرۆڤ بە ٢٦٠ ملیون دەخەملێنێ !!! لە کاتێکدا ئەوەشمان لە بیر نەچێت لە دەرنجامی ئینقلاب و شەری یەکەم و دووهه‌می جیهانی پتر لە ١١٠ ملیون قوربانی مرۆڤ لە مێژووی مرۆڤایەتی زەق و بەرچاو و حاشا هه‌لنەگرە ! '' ئیستفن پینکر '' لە دووتوێی چەندین کتێب بە ناوی ( تفنگەکان ، شاپانزەی سێهەم و .... ) لە ئاستی زانستی دەرونی و کۆمەل ناسی و تکنولوژیایان ــ توندوتیژیان ــ شەن و کەو دەکا . بە هه‌مان شێوە ئەم بابەتە لە رەوانگەی ئایدولوژی و ئاین کۆمەلە بۆچونگەلی لێکەوتوەتەوە ، وەک ئەوەی توندوتیژی لکێنراوە بە سیستەمی سەدەلات وەک دەرەبەگایەتی و سەرمایەداری و هتد و لە بوارە ئاینیەکە بە ئادەم و حەوا و کال کرچی رەگەزی مێینە و جادوگەری و زیندە بەچال و ....... بە درێژایی مێژوو زوربەی ئاین و خەلکانی بلیمەت و تێگەیشتو وەک گاندی دەلێن : مرۆڤایەتی توانای لە ناو بردنی ــ توندوتیژی ــ و بونیادی کۆمەلگایەکی بە دور لە توندوتیژی هه‌یە . گاندی ئاوای نوسیەوە " کۆمەلگایەک کە لەسەر شیوازی بە دور لە توندوتیژی بونیاد بنرێ و بەرێوە بچیت نایابترین ــ ئانارشی ــ یە . خەلکانی سیاسەتوانی مودرنە ، ئاشتی خوازان ، ئانارشیستەکان ، لە لایەنگرانی ــ ئازادی تاک ــ دێنە ئەژمار .
لە کۆی گشتی بۆ کۆمەلگایەکی پاقژ و سلامەت و پێشگیری کردن ، مەلبەندی * (CDC) بەم شیوەیە دەنوارێتە ــ توندوتیژی ــ ئازار گەیاندنی بە ئانقەست کە لێدان و بەیندار کردن و کوشتنی لێ دەکەوێتوە و سەر دەکێشتە یاسایان و ئازاردانی خۆ ( مرۆڤایەتی ) . کۆمەلەی تەندورستی جیهانی * ( WHO ) یەکێک لە رپورتاژی خۆی بەم شیوازە بە رەقەم گریمانەی کوشتنی سالانەی ئەم بابەتە دەخاتە روو کە رویان داوە : لە برزیل ٥٥٠٠٠ قەتل ، ٢٥٠٠٠ لە کولومبیا ، ٣٠٠٠٠ لە ئەفریقای خوارو ، ١٥٠٠٠ لە میکزیک ، ١٤٠٠ لە ئەمریکا ، ١١٠٠ لە وینوزیلا ، ١٦٠٠ لە جامایکا ، ١٠٠٠ لە فەرانسە ، ٥٠٠ لە کەنەدا و ٣٠٠ لە شیلی . ئەم بابەتە واتە توندوتیژی بە سێ بەش ناو دەنرێ : ١ ــ ئاشکرا . ٢ ــ نهێنی . ٣ ــ سروشتی . بە هه‌مان شیوەش توندوتیژی ــ بە دەس ئانقەست و پلان بۆ دانراو . ـــ بە دور لە پلان و ئانقەست . ـــ نەخوازراو . ئاسەوارەکانی لە دوو حالەتی دەرونی و رەوانی و جەستەییە . بە گشتی دابەش کردنی توندوتیژی : توندوتیژی ناو مال . توندوتیژی مندالان . توندوتیژی ژنان . توندوتیژی دەرهاویشتەی شەر و کۆرەو . ئاوارە بوون . توندوتیژی لە درندەخۆییەکان ( تەنانەت ئازار پێ گەیاندن لە لایەن ئاژەلانی درندەوە ) . تەنانەت توندوتیژی کە لە خانەی تەمێ کردن دێتە ئاراوە .
تا بە ئێرە کورتەیەکی زانستی کۆی دەستەواژەی ــ توندوتیژی ــ بو ئاماژەی پێ درا بەلام لەگەل ئامەنەش بابەت گەلی دی هه‌یە کە پێویستە ئاوری وێ بدرێتەوە و بە وریایەوە لێ بروانرێت ، بۆ نمونە هه‌ندێک لە دەسەڵاتداران بۆ ئامانجی تایبەتی فوکوس لە سەر ئەم بابەتە دەکەن تا رای گشتی کۆمەلگا لە بابەتی توندوتیژی و واقعی دی دور کەنەوە ! یا بە پێچەوانە سەرجەم هێز و میدیایان لە سەر خالە پازەتیفەکەیان دەخەنە گەر تا بابەتی توندوتیژی داپوشن ! یا توندوتیژیەکان بە ئامجدار و سەرچاوە گرتو لە کولتور و فەرهنگ و زانست و پەروەردە و ..... دەلکێنن و بە سیکسی دەشوپهێنن ! وەها کۆمەلگا سەرقالی ئەو بێ بنەماییە دەکەن کە گەر بێت سەرجەم خۆ و رەوشت و کلتور و ئاین و ئەخلاق وەلا بنرێ و سکس بکرێتە ئامرازێ بۆ گەوجاندن و بە لارێدا بردنی مرۆڤ لە مەر توندوتیژی و سکس بێ پەروا و ئاژەل ئاسا بێت ! لە کاتێکدا هه‌ر ئەو پێخورە نا دورستە نەخۆشی کوشەندە ، مردنی عەشق و خۆشەویستی ، بوونە روبات کردنی مرۆڤ و ...... بە دواوە هه‌بوە و هەیە ! وەک نمونە ولاتێکی وەک سوید کە ئیدعای وڵاتێکی پێشکەوتو ، دیموکرات و ئازادە و تەنانەت شوێنی رەسمی لەش فروشی تێدا نییە و ژن لە پلەی یەکەمی بایەخپێدراوی یاساییە ، توندوتیژی دژی ژنان لە رێژەیەکی هه‌رە بەرزدایە بە بەراوردی ئەو حشیمەتەی هه‌یەتی ! لەش فروشی مەمنوعە بەلام بە پێی راپورتەکان لە ئاستی بالا بەو کردەوە تێوە گلاون ! ئاسەواری بەلارێدا بردنی ئەو خالانەی ئاماژەم دایە بۆ ژن ژیانی هاوبەش دەس پێی کردن و بەرپرسایەتی بنەمالەیی لایان خەون و خەیالە و رەنگدانەوەی لە سەر مندالی ئەو فکرەیە ئاشکرایە چۆن دەبێ و چی لێ شین دەبێ !
بە کۆی گشتی و ئاگا بوون لەو واقعانە ئێمەی کورد وەک مرۆڤ ، نەک وەک رەگەز چۆن دەبێ بروانینە ئەم بابەتە گرنگە کە پێک هێنەری کۆمەلگایە ؟ توندوتیژی لە هه‌ر شێوە و شێوازێک و بە هه‌ر هۆکارێ کارێکی ناپەسەند و نارەوا و لە بەرپرچدانەوەی مێشکێکی سالم و تەندورست ناوەشێتەوە ، بەلێ رێژەکانی لە ناو رەگەز جیاوازی هه‌یە و حاشای لێ ناکرێ بەلام گەر بە چاوبرکێ لێ کردن ، بە کوپی یاسا و رێسای بیانی و ئاینی ، بە نەناسینی رەوتی کۆمەلگاکەمان لە هه‌مو ئاستەکانەوە ، بە جودا کردن یا دابەش کردنی مرۆڤایەتیمان بە رەگەزەوە ، نەک سود بە کۆمەلگا ناگەیەنین بەلکو بەلارێشدا دەیبەین ، ئەم هه‌مو رێکخراوی ژنان بە ناوی جیاوازەوە لە کۆمەلگای کوردەواری بە ویژدانەوە لێ بروانین بە زوریان بازار گەرمی فکرەی حیزبیە و هیچیتر ! وەها ژنان بە دەستی خۆیان بە هه‌لە هنگاویان ناوە بە داخەوە کۆبونەوکانیان بەشداری رەگەزی بەرانبەریان زیاتر لە خۆیانە ! لە کاتێکدا توندوتیژی هه‌روا درێژە بە تەمەنی قیزێونی دەدا ! بە ئەو پەری رێز وای لێهاتوە ئەو بابەتە قول و هه‌مەلایەنە زانستی ، کۆمەلایەتی ، دەرونی ، فەرهه‌نگی ، ئاینی ، ئابوری ، سیاسی زیاتری لە سکس چر کراوەتەوە و سیمنار و کۆبونەوەی بۆ رێ دەخرێ ! یان بە شێوازی نا زانستی بەرانبەر بوونەوە بە خۆ رووت کردنی جەستەی بە شیاو دەزانێ و ..... مەبەست گالتە پێ کردن نییە بەلکو بە پێچەوانە هه‌ر بابەتێکی ژین و ژیانی مرۆڤ بە شێوەی زانستی ناسین و رەچاو کردن خزمەت و هنگاو نانە بەرەو پێشەوە چون نەک بە بێقیمەت کردن و سوک و چروکی ، کاتێ بنەما و خشتی یەکەمی بونیاد نەنرێ و لە ناوقەدەوە نازانستیانە بابەتان دابتاشرێ و کۆمەلگای پێوە سەرقا بکرێ زەرەری سەد قاتە لە خزمەتە ! جەوهەری مرۆڤ بوون و کۆمەلگا و نەتەوەیەک خاوەندار بوونی ماڤە بە گشتی ، بەو واتایە هه‌تا سەربەخۆ نەبێ ، هه‌تا خاوەنی حکومەت و دەسەڵاتی خۆی نەبی ، هه‌تا خاوەنی یاسای سەربەخۆ و گونجاو و رەنگدانەوەی کۆمەلگای نەبێ ، هه‌تا ئابوری سەربەخۆ و نیشتمانی نەبی ، هه‌تا ...... هیچ یەک لە ماڤ و برگەکانی و پێرەوی زانستەکان ناتوانێ لە ناویدا بچەسپێت و گەشە و نەشە و پێشکەوتنان بە خۆ وە ببینی ، کە واتە مرۆڤ بوونی مەی کورد کە پێکهاتەی دوو رەگەزانە و تەواکەری یەکدی وەک کورد و کوردستانی یەکەم هنگاو ، یەکەم ئەرک ، یەکەم رێباز و ئامانج دەبێ پێرەو و گەشە پێدان و پێداگری و یەکریزی نەتەوەکەمان بۆ سەربەخۆ بوون بێت تا بتوانین بە باشترین شێوەی زانستی لە هەمو بوارەکان خۆ بە ڕۆژ بکەین ، بە داخەوە تا بە ئێستە بەم هه‌مو رێکخراوی ژنان و ناوی جیاواز نەم دیت پێداگری و کۆر و کۆبونەوە سیمناران لە سەر خالی سەرەکی و گرنگی رزگاری گەل پێک بێنن و ئەوی کراشبێ هه‌ر لە سونگەی حیزبایەتی بوە نەک ناسینی فەلسەفەی نەتەوەیی ! ئەمە لە ئاستی گشتیەکەی ، لە ئاستی رەگەزی ، ژن کە لای من ; یانی خوای مرۆڤایەتی ، ژن یانی عەشق ، خۆشەویستی ، جوانی ، لەتافەت و نازاداری ، یانی لە کۆتا خۆ لە وشەی دایک دەبینێتەوە و هەر بۆیەشە لە فەرهەنگ و کلتوری کورد پیرۆزترین و مەزنترین نازناوی پێ بەخشیوە کە لە جیهان دەگمەنە ( دایکی نیشتمان ) لە کوێی ئەو هەمو بە ناو چالاکی ژنانە دا ژنی سیاسی مەی کورد هاتە مەیدان و فەخر و شانازی بەو نازناوە و پێگەی بەرزی خۆی کرد و لەگەل هەبوونی واقعی تالی توندوتیژی ، پێگە و بایەخداری و توێژینەوەی لە سەر ژن لە کوردەواری هێنایە ئارا ؟ بە بێ ئاوردانەوە لە کۆی بابەتی پێکهێنەری کۆمەلگای کوردەواری بە شێوازێکی زانستی وەک ئاماژەی پێکرا یەکسەر دەچنە سەر بابەتی توندوتیژی و دژایەتی کردنی رەگەزی بەرانبەر ( نێرینە ) و رەچاوی سیاسەتی هه‌لە و نازانستی ! ئێش و ئازاری پەنگ خواردوی دەرونیان و نا زانستی لێکدانەوەیان وای کردوە بە داخەوە بە رێژەی زور لێک ترازانی بنەمالەیی بە دواوە بوە ! رێژەی مندالانی تەلاق بە هۆی ئەم روناکبیرە نەزانانە چەندین قات بوە ! و لە سەرویان رەفتاری چەوت و قیزێون و نارەوای ــ توندوتیژی ــ هه‌ر وا بەردەوامە ، هێندە ئەم بابەتە نازانستی و نا بەرپرسیارانەیە لە کۆمەلگا بۆ پەرچە کردار رێکخراوی رەگەزی نێرینەش هاتوتە ئارا و هه‌ر دووک یانی رێکخراوی نێرینە و مێینە ، بێ بەزەیانە مرۆڤ بوونیان شەق کردوە ! کاتێ کۆمەلگایەکی شەق کراومان هێنایە ئارا ، یەک ریزی بوونی نامێنێ ، دەستی دەرەکی و دوژمنانی گەلەکەمان والا دەکەین ، بەرە و پێشچونی گەل دوا دەدەخەین ، چیلی نوێ پەروەردەیەکی سەقت وەردەگرن و لە ئاکام مرۆڤ بوونمان بەرەو هه‌لدێران دەبەین . بە درێژایی مێژوو هه‌ر بابەتێکی زانستی و ئاکادیمی کاتێ رەنگدانەوەی لە ناو کۆمەلگادا دەبێ کە لە یاسادا بگونجیندرێ و پەسەند کرابێ و بە میدانی بچیتە بواری جێ بە جێ کردنی پەروەردەیی و هتد . کوێرەوەری ئەو رەگەزەی بنەی جوانی و خۆشەویستی و عەشق و پاکی و دڵسوزی بە ناوی رەگەزی مێینە ( ژن ) سەرباری دەس نیشان بوونی ماڤی رەوای ، گەر بە دور لە هه‌ر بیروکەیەکی فکری و ئاینی لێ بروانین سەرچاوەی مەینیەتیەکەی لەوێ کاتەوە دەستی پێ کرد کە مرۆڤ بوونیان دابەشە رەگەز کرد ! کەی دەبێ بەو واقعە بگەین ؟ لە مێژووی ئاینەوە و پەیدا بوونی مرۆڤ لە رەگەزەوە دوان ئەو نابەرنبەریانە زەق بۆوە ! لە سەردەمای فرعونەکانەوە ژن بەرەو کوێ هه‌لدێرا ! لە شەرەکانی خاچ پەرەستان چۆن لە زەق بونەوەی رەگەز کەلکیان وەرگرت ؟ لە شەرە مال وێرانکەری جیهانی یەک و دوو زلهێزان چۆن لە دەستەواژەی رەگەز و قوربانی و سوک کردنی ژن کەلکیان وەرگرت ؟ لە سەد سالی رابردو چۆن بە پەنا بردنە بەر شەق کردنی مرۆڤ بوون و برەو دان بە بیروکەی سەقەتی رەگەز چۆن ژنیان کردوەتە ئالیەتێکی دەستەموی کرین و فروشتن ؟ بە دانانی وێنەی جەستەی ژن لە سەر کەرەستەیەک چۆن پێگە و جێگەیان دابەزاندوە ؟ ژنی کورد ئەوانە نابینی ؟ ژنی کورد ئاگاداری مێژوو و ئەو سیاسەتانە نییە ؟ لە کاتێکدا دەبینن و دەزانن و ئاشکرایە ژنی کورد ، هەمان دایکی نیشتمان ئەو قەلا لەگیران نەهاتوەی کورد و پۆلی پێشمەرگەییان بوە ، ژنی کورد سەرباری هه‌مو گوشار و نامەتی و کوێرەوەری و بەشداری راستەخۆی لە بەرخۆدان ، دایک و ماموستای یەکەمی پەروەردەی پێشمەرگە بوە کە ئەمرو بۆتە وردی سەر زمانی هه‌مو جیهان ، ژنی کوردی بریتیە لە شارەزایان و ئاکادیمیان و چالاکوانان و لەشکری و روناکبیرانی و خانەداران ئەرکیان ئەوەیە لە رەوتی بەردەمیان بە هه‌مو هێز و توانا و دەسەلاتیانەوە پێداگر و پابەندی بیر و هزری مرۆڤ و مرۆڤایەتی و یەکسانی بن وەک مەتەرێزی شەرف و کرامەتی مرۆڤایەتی لەشکری پێشمەرگە ، سەرجەم هه‌م و غەمیان پێداگر و پابەندی فەلسەفەی نەتەوەیی و سەربەخۆ بوونی خاک و نیشتمان بن ، لە قوناغی سەربەخۆ بوونی وڵات پابەندی دارشتنی یاسای یەک ریزی و یەکسانی مرۆڤی کورد بن ، لەم هه‌لومەرجە هه‌ستیارەی جیهانی و ناوچەکە و کوردستان ئێوە بەرێزان ( کچان و ژنان ) ئەرکی زور مەزنتر و بەربلاوترتان لە سەر شانە ، ئێوە ئەو قەلای لە گیران نەهاتوەی کوردان دەتوانن ئاوەدان و پتەو و رازاوە بکەن ، وەک چۆن لە مەتەرێزانی دژ بە دوژمن و جەهل و نادانی جەرگی دوژمن لەت دەکەن ئاواش کۆر و کۆبونەوەتان لە سەر فەلسەفەی نەتەوەیی و سەربەخۆ بوون و ئازادی کوردستان برازێنەوە و ئامانج و بنەما سەرەکیەکان مەبەستنەوە بە بابەتی لاوەکی و ئالوزێکی بێ دەرنجامی ئیسم و میسمان ، بە دڵنیایەوە کاتێ رەگەز زەق نەکرایەوە و ئامانج مرۆڤ بوون بو هیج ئایدویولوژی و ئاینی ناتوانێ لق و پوی بۆ داتاشی و دژی بوستنەوە ، ژنی کورد دەبێ هێند بە وریایی و لێهاتویی بروانێتە کۆی بابەتەکانی کۆمەلگا کە بە باشتیرین شێواز و ساکارترین رێکار ماڤی یەکسانی مرۆڤ بچەسپێنێ ، نەک بە دەستی خۆی لە داوان بکەوێت ، مرۆڤ بونەوەرێکی هێندە ئالوزە کە بە هه‌مو زانست و تکنولوژیای ئەمرو هێشتا بە تەواوی نەناسراوە ، دەزانن مەزنترین پێشکەوتنی زانست پێک هاتەی پارچەیەکی ( سوکت ) یا ئیلکترونییە کە مەلیان بابەت لە خۆ دا کۆ دەکاتەوە لە کاتێکدا مێشکی مرۆڤ توانای خانەکانی لە ئەژمار نەهاتوە ! مرۆڤ کاتێ بە پێی زانستەکان وشەیەک یا بابەتێ بە بەردەوامی لای خۆی دووپاتە دەکاتەوە دەیباتە دنیایەکی دی و هه‌مو بیروکەکانی بەو بابەتە دەبستێتەوە و شتی باوەر پێ نەکراوی لێ روودەدا ، بێنین ئەو بیری مرۆڤ بوونە لە هه‌مو شانەکانی مێشکمان زەق کەینەوە ، ئەو کات بزانن کۆمەلگاکەمان دەکەوێتە چ ئاستێک ؟ بزانن چۆن خوشەویستی و رێز و عەشق دەبێتە فەرهەنگی گشتی و وشەی ـــ توندوتیژی ــ قیزێون لاواز و بەرەو نەمان دەچی ، بە فەهه‌رهه‌نگ بوون و پەروەردە کردنی کۆمەلگا بە رێکاری زانستی دەرون ناسی دێتە بەرهه‌م نەک بەردی فیمینستان و ئیسمان و میسمان لە سینگ دان ، ئەوەی بۆنی لە مرۆڤایەتی بردبێ ناتوانێ ئاکاری ناپەسەند و توندوتیژی و ناحەزی قەبول بێت ، بەلام گرنگ هێنانە بە باس و لێدوانان نییە چۆن ئەوە بە ئاشکرا دەبینرێ ، گرنگ ئەوەیە چۆن پلان و بەرنامە و پروژەیەکی زانستی رەچاو کەین و خزمەت بە چیلی داهاتومان بکەین ، با ئێمە شەهامەتی ئەوەمان هه‌بێ بە ناوی روناکبیر و شارەزا و فەیەلسوفان کە خۆمان لە قەلەم دەدەین ، لە کاتێکدا خۆمان بوینتە هاتنە ئارای پێک هاتەی مندالانی دەرهاویشتەی تەلاق و لێک دابران !! یا هه‌ر شیوازێکی دی ، سەرباری ئەو کورتە پێناسەی توندوتیژی کە ئاماژەی پێ کرا کاتێ لە رەوانگەی رەگەزی تێکەل بە باسەکە بین راستەخۆ لە پلەی یەکەم روبەرووی سەربەخۆیی ئابوری دەبینەوە ، ژن کە بە رەگەز زەق کرایەوە لە هه‌ر سیستەم و یاسا و دەسەڵات و بەرێوە چونێکدا بێت و لە هه‌ر ئاستێکی زانستی مادام سەربەخۆیی ئابوری نەبێ لە برگە و شوێنی هه‌ر قوربانیە و ماڤ خوراو ، هه‌ر لە مەترسی شیوازەکانی توندوتیژی دا دەبێت ، هه‌ر لە شەق بوونی مرۆڤ بوونە بە ناوی رەگەز ، ئەوەی کە جیهانی زالمی ئەمرو لە ژێر ناوی بریقەدار مرۆڤایەتی داگرتوە ، ئەو عەشق و خۆشەویستی و جوانی و زەرافەتی کردوەتە کەرەستە و بە داخەوە ئەوە نابینن ! دەرنجامەکانی وای کردوە ئەو دایکە کە شیرەی گیانی بەو پەری ویستی بە مندالی دەبەخشی ، شەو شەو نخونی بە شانازیەوە تێپەر دەکا و هتد ، کاتێ دێتە بەرهه‌م ، واتە تەمەنێ کە دەکەوێتە سەر پێ بە داخەوە لە وڵاتانی بە ناو پێشکەوتو بینین و نەبینی دایک بە مانگ و و سال لای مندال ئاساییە ! بینین و نەبینی بەسترواوە بە مادە و پول ! لەو مندالە بەو ئەقلیەتە چ مندالێکی وەک چیلی دوایە لێ دەکەوێتەوە و مرۆڤایەتی بەرە کوێ هنگاو دەنێت ؟ کە واتە چارە سەری و ناسینی دەردەکان بە زەق کردنەوەی رەگەز ناتوانێ ئەوی خزمەتان کە بە مرۆڤایەتی دەکرێ بیکات و هیوادارم ژن و دایکی مەی کوردان زیاتر و زیاتر چاو ئاوەلە و بە ئەرکی پیرۆزیان هه‌ستن و بە دەستی خۆ لە داوان نەکەون . کۆمەلگا وەک ئەوەی هه‌یە بیناسن و بیبینن ، فەرهەنگ و کلتور و رەنگدانەوەی ئاین و پلانی داگیرکەران و بەربلاوی دەستی دەرەکی و جرتە و فرتەی کرمی کتێبان و زرەکوردان و جاش قەلەمانی ماڤیایی و نانەتەوەیی بناسن و بزانن خزمەت بە خۆ و بە گەل بە کام ئاقارا ببەن وەک ئەوەی هه‌تا ئێستە وەک دایکی نیشتمانی بە ئەرکی خۆ هه‌ستاون و کورد و کوردستانیان بە گیان ، بە خوێن ، بە ئالوزترین ژیانی داسەپاو پاراستوە ، لە سەر وی ئەرکان بەردەوام و بە دڵنیایەوە ئاسۆی روناهی ئێوەی ئازیز بەدی دەکەن .




كۆمێنتی خوێنه‌ران
كۆمێنته‌كان ده‌ربرینی بیرورای خوێنه‌رانه ‌و سایته‌که‌مان به‌ر پرس نیه‌ له‌و كۆمێنتانه‌

ناو:
 
ئیمه‌یل:
 
کۆمێنت:
 
دیمانه‌
‌ یەزدانپەنا: نابێ هیچ حزبێك سەروەریی پارچەیەكی تری كوردستان پێشێل بكات
‌ رۆڵی ئێستای كاك مسعود بارزانی دەرفەتێكە بۆ پرۆسەی سەربەخۆیی و نابێت ئەم دەرفەتە لەدەست بدەین
بابه‌ت
تەوشناسی ناسیۆنالیزمی کوردستانی
عەلی عەونی
داسەپاندنەوەی دووبارەی سایس- پیکۆ لەدژی کوردان
حەسەن ماوەرانی
لە کەوتنی حەلەب ، دەستکەوتەکانی هەریەک لە روسیا و ئێران و تورکیا چی بوون ؟
نیاز حاجی
پێناسەیەک لە مێژووی ئاڵای کوردستان
بەهمەن کاک عەبدوڵلا
پەیامی فەرانسە و هاوپەیمانەکان بۆ PAK و کوردی رۆژهەڵات چییە؟
شەماڵ پیران
کۆمه‌ڵایه‌تی
  • ژنان
  • منداڵان
  • قوتابیان و لاوان
  • ژینگه‌
ئاخاوتن
کوردستان24: دەقی وتەکانی حسەین یەزدانپەنا فەرماندەی گشتی هێزەکانی PAK بەبۆنەی 71 کۆماری کوردستان ‌
زۆرترین خوێنراو
سه‌رەتا ئاخاوتن بابەت دیدار بۆ کوردستان مافی مرۆڤ دیمانه‌ کۆنگرەی یه‌ک په‌یوەندی دەربارە ئەرشیف
مافی کۆپی کردن پارێزراوه‌ بۆ ماڵپه‌ری پارتی ئازادیی کوردستان 2012