::
چیرۆک بۆ منداڵان ... گەردەلوول و داربەڕوو ... نووسینی / رەزا شوان
31/8/2014

PAZADIK: رۆژێک گەردەلوولێکی تاریک و رەش، لە بیابانەوە بەرەو باکوور هەڵیکرد، زیانێکی زۆری بە باخ و، بە دار ودەوەن و، بە سامانی خەڵکی ئەو شوێنانە گەیاند، کە لە پێشێوەی بوون .. بێ بەزەییانە هێلانەی بە هەزاران چۆلەکە و باڵندەی تری رووخاند و ئاوارەی کردن .. ملی نایە کۆمەڵێک داربەڕووەوە .. رووی دەمی لە داربەڕوویەکی ئەستوور کرد .

گەردەلوولەکە ( بە تووڕەییەوە ) : ئەوە بۆ رێتان پێ گرتووم .. ؟
داربەڕووەکە : ئێمە رێمان پێ نەگرتووی ، ئێرە شوێنی ئێمەیە ، تۆی نامۆ ملت پێوەناوین و، شەڕمان پێ دەفرۆشیت .
گەردەلوولەکە : تا زووە لە رێم لادەن و دوورکەونەوە، ئەگینا تێک وپێکتان دەشکێنم و، لە رەگەوە هەڵتان دەتەکێنم .
داربەڕووەکە : ئێرە نیشتمانی هەزاران ساڵەی ئێمەیە .. هەرگیز ئێرە بەجێ ناهێڵین .. لە هەڕەشەی تۆی بەدفەساڵ و بەدکاریش ناترسێن .
گەردەلوولەکە : ئێستا پێشانتان دەدەم، کە چیتان بەسەر دەهێنم .
داربەڕووەکە : چ بایەک لە سکتدایە دەریکە .. گەردەلوولی لە تۆش گەورەتر و بەهێزتر ملیان پێوەناین، نەیاتوانی لێرە هەڵمان بکەنن .

گەردەلوولەکە بە ئەوپەڕی هێز و توانایەوە، بە دڵڕەقییەوە، هێڕشی کرد و .. دەستیکرد بە راوەشاندنی داربەڕوەکان .. بەڕووەکانی وەرانن .. گەڵای بە داربەڕووەکانەوە نەهێشت .. لقێکی زۆریانی شکاند و رایماڵێن .. بەڵام هەرچەندی کرد نەیتوانی قەدی داربەڕووە بشکێنێت، یا لە شوێن خۆیان هەڵیان بتەکێنێت .. گەردەلوولە بەزیوەکە، بە شەرمەزاری و بە سەرشۆڕی و رووڕەشییەوە، رۆی و نەما .. سەرکەوتن و سەربەرزی و مانەوەش بۆ داربەڕووە خۆڕاگرەکان بوون .

دوای باران بارین و، هاتنی وەرزی بەهار، داربەڕووەکان چەندین لقی تازەی ناسکیان دەرکرد و، گەڵای سەوز و گەشیان کرد .. بەڕووە وەریوەکانیش لە شوێنی خۆیاندا شین بوون و، رەگیان کرد و .. بوون بە سەدان نەمامی ناسک .. بەجاری ئەو ناوە بوو بە بەڕووستان .. چۆلەکەکانیش گەڕانەوە و، لەسەر لقی دارەکاندا هێلانەی جوانتریان دروستکرد .. دەستیان بە جریوە جریو و بە یاری کرد .

(*) کوردیلە چاوگەشەکانی کوردستان، دڵنیام کە زۆربەتان مەبەستەکانی ئەم چیرۆکەم دەزانن .. ئەوانەشی نایزانن، لە دایک و باوکتان، یا لە مامۆستاکانتان بپرسن .. ئەوان بۆتان راڤە دەکەن . 
نەرویـج :  ٢٥/ ٨/ ٢٠١٤

 



كۆمێنتی خوێنه‌ران
كۆمێنته‌كان ده‌ربرینی بیرورای خوێنه‌رانه ‌و سایته‌که‌مان به‌ر پرس نیه‌ له‌و كۆمێنتانه‌

ناو:
 
ئیمه‌یل:
 
کۆمێنت:
 
دیمانه‌
‌ یەزدانپەنا: نابێ هیچ حزبێك سەروەریی پارچەیەكی تری كوردستان پێشێل بكات
‌ رۆڵی ئێستای كاك مسعود بارزانی دەرفەتێكە بۆ پرۆسەی سەربەخۆیی و نابێت ئەم دەرفەتە لەدەست بدەین
بابه‌ت
تەوشناسی ناسیۆنالیزمی کوردستانی
عەلی عەونی
داسەپاندنەوەی دووبارەی سایس- پیکۆ لەدژی کوردان
حەسەن ماوەرانی
لە کەوتنی حەلەب ، دەستکەوتەکانی هەریەک لە روسیا و ئێران و تورکیا چی بوون ؟
نیاز حاجی
پێناسەیەک لە مێژووی ئاڵای کوردستان
بەهمەن کاک عەبدوڵلا
پەیامی فەرانسە و هاوپەیمانەکان بۆ PAK و کوردی رۆژهەڵات چییە؟
شەماڵ پیران
کۆمه‌ڵایه‌تی
  • ژنان
  • منداڵان
  • قوتابیان و لاوان
  • ژینگه‌
ئاخاوتن
کوردستان24: دەقی وتەکانی حسەین یەزدانپەنا فەرماندەی گشتی هێزەکانی PAK بەبۆنەی 71 کۆماری کوردستان ‌
زۆرترین خوێنراو
سه‌رەتا ئاخاوتن بابەت دیدار بۆ کوردستان مافی مرۆڤ دیمانه‌ کۆنگرەی یه‌ک په‌یوەندی دەربارە ئەرشیف
مافی کۆپی کردن پارێزراوه‌ بۆ ماڵپه‌ری پارتی ئازادیی کوردستان 2012